Liebe Senioren!
Schöne Worte zum 5-jährigen Jubiläum am 19. Mai 2016

„Heut hent mir a Fescht zum feira, ob Ihr es errotet?“

5 Johr sind jetzt ins Land neiganga
seit unsere 5 Fraua em Altakreis hents regiera a gfanga.
Wie schnell doch immer d‘Zeit vergot,
Rückschau halta, i glaub – sich lohnt.

Alle 4 Wocha dent mir ons treffa –
des derf koina von Euch vergessa.
Es send doch immer schöne Stunda,
wo mir ons hent all Monet zamma gfunda.
Und mitanander dent lacha, schwätza und senga
und uns anander dehnt richtig freua.

Ma ka au s´Neuste und Alltägliche erfahra
und durch nette Gedichte und sonstige Beiträge uns belehra lassa.

So a netta Gemeinschaft isch ofach wichtig,
wenn Ihr so treu kommet, mir findet des richtig.
Junges Seniorablut isch neu zu uns gstossa,
langjährige liebe Ältere hemmer verlora.
So isch halt des im Weltenlauf.
Wichtig isch – s goht weiter, oser Kreis blüht auf.

Oser Schultes duat ons au öfters belehra,
do kennet mir os et beschwera.
Mir Ältere Leut sind au wichtig in der Gemeinschaft,
hent au a Stimm im Dorf wies os scheint.
Lebenserfahrung, des hammer viel,
wenn au heut alles hot an andra Stil.

Halbwegs kommet mir mit dera Zeit scho no mit,
mit 70-80-90 send mir doch no fit.
Unsere 5 Fraua dent os wunderbar bediena
mit Euch sind mir zfrieda, ma könnt nett besseres kriaga.

Oser Chefin, oser Hedwig strengt sich mächtig a,
machet weiter so no viele Johr.
Heut dent mir für Alles Euch herzlich danka
mir könnet fürs Alter immer viel Freude bei Euch tanka.

Und dia guade Kucha die Ihr für uns machet,
do duat sogar unser Herz anfanga zu lacha.
Mir machet weiter mit Euch, des isch klar,
solangs got hoffentlich noch viele Johr.

Eine Hymne ans Seniorenteam.
Hedwig, Ruth, Resl, Erika, Magda